राजेश पायल राईको “बादलुको छायाँ मुनि” सार्बजनिक

लोकप्रिय गायक राजेश पायल राईको स्वरमा सजिएको रोमान्टिक गीत “बादलुको छायाँ मुनि” गीतको म्युजिक भिडिओ सार्बजनिक भएको छ ।

चर्चित मोडेल तथा कोरिओग्राफर गम्भीर बिस्ट र जेबिका कार्कीलाई फिचर्ड गरिएको यस गीतमा यी दुईको रोमान्टिक अभिनय हेर्न सकिन्छ ।

बेलायतमा बस्ने गीतकार कृष्ण आचार्यको शब्द र बेलायतमै बस्ने संगीतकार रमेश कायस्थको संगीत रहेको यस गीतको म्युजिक भिडिओ निर्देशन चर्चित युवा निर्देशक सुब्रत राज आचार्यले गरेका हुन् । जया शर्माको सह–निर्देशन रहेको भिडियोलाई उत्सव धितालले छायाँकन गरेका हुन् । गम्भीर बिस्टको कोरियोग्राफी रहेको भिडियोको सम्पादन नबिन निरौलाले गरेका हुन् ।