महिला हिँसा सम्बन्धी तीन मुक्तकहरु

-१-

एसिड छेप्छन् कतै गाडीमा हेपिन्छन् छोरीहरु

दाइजोमा कहिले खाडीमा बेचिन्छन् छोरीहरु

गिद्धले जस्तै लुछेर छोड्छन् विभत्स शरिरमा

कहिले छाउगोठ र झाडीमा भेटिन्छन् छोरीहरु

 

-२-

कस्ले भन्न सक्छ पुरानो ढर्रामा छे नारी

उपपोस्ट मिलेपछि खुव चर्चामा छे नारी

हुन त देशको राष्ट्रपति महिला हुनुहुन्छ

भनुँ म कसरी अझै दोस्रो दर्जामा छे नारी

 

-३-

हेर्दाहेर्दै जुंगामा ताउ लगाएर गयो

आइमाइहरु कमजोर बनाएर गयो

अरे ! मर्द थियो र त बलात्कार गर्यो

दोष जति कपडालाई थमाएर गयो

 

प्रतिमा केसी

सैनामैना -६, रुपन्देही

हाल: रेडिंग, युके

 

(२५ नोभेम्बर २०१९ देखि १० डिसेम्बर २०१९ सम्म संचालन गरिएको १६ दिने अन्तरास्ट्रिय महिला हिँसा बिरोधी अभियानको सन्दर्भमा रचिएको केहि मुक्तकहरु)

 

Facebook Comments