कोरोनाभाइरसको महामारी झन खराब हुँदै जान पनि सक्छ: अमेरिका

 

यतिखेर कोरोनाभाइरसको महामारीले आक्रान्त विश्वका ११४ वटा मुलुकहरुमध्ये विश्वमहाशक्ति अमेरिका पनि आक्रान्त छ । ३१ जनाको मृत्यु र १ हजारभन्दा बढी मानिसहरुलाई अमेरिकामा नै संक्रमति गरिसकेको पृष्ठभूमिमा अमेरिकाका वरिष्ठ स्वास्थ्यकर्मी एन्थोनी फाउचीले कोरोनाभाइरस संक्रमणको झनै ठूलो महामारी अमेरिकामा फैलिने चेतावनी दिएका छन् । फाउची एनआईएच नेशनल इन्स्टिच्यूट अफ एलर्जी एण्ड इन्फेक्सिअस डिजिजेज, अमेरिकाका निर्देशक हुन् ।

उनले भनेका छन्ः यसको संक्रमणका संख्या अझै बढेर जानेछ र अहिलेभन्दा स्थिति झनै खराब भएर जानेछ ।