चितवनमा चैते दसैँमा लाग्ने विक्रम बाबा मेला कोरोनाको त्रासले स्थगित

 

चितवन, चैत ६-

चितवनमा चैते दसैँमा लाग्ने विक्रम बाबा मेला कोरोनाको त्रासले स्थगित भएको छ ।

चितवन राष्ट्रिय निकुञ्ज, भरतपुर महानगरपालिकाका २३, २४ र २५ वडा कार्यालय र स्थानीय सरोकारवालाको बीचमा आज भएको वृहत् छलफलपछि यस वर्ष सो मेला स्थगित गरिएको हो । ‘जीवन रहे संस्कृति रहन्छ’ भन्ने सोचेर सबै सरोकारवालाबीचको छलफल अनुसार कोरोनाको त्रासले मानिसहरुको धेरै भीड हुने विक्रम बाबा मेला स्थगित गरिएको चितवन राष्ट्रिय निकुञ्जका प्रमुख संरक्षण अधिकृत नारायण रुपाखेतीले नारायणी अनलाइनलाई जानकारी दिए । उनले जिल्ला प्रशासन कार्यालय चितवनले फागुन २२ गते भेटघाट, सभा र उत्सव गर्न नपाइने निर्णय गरेकोले पनि प्रशासनको निर्देशन बमोजिम नै मेलालाई स्थगित गरिएको बताए ।

Facebook Comments