कोरोनाभाइरसको संक्रमणबाट जोगिनका लागि मानिसहरु आफ्नो घरमै सीमित हुन थालेका छन् । जसका कारण विश्वका लाखौँ मानिस आफ्नो परिवारको निकट रहन पाएका छन् ।

 

एकजुट हुँदै मानिस
कार्यालय तथा घरको भागदौडबीच मानिसहरु आफन्तबाट केही टाढिएजस्तो देखिन्थ्यो । कोरोनाभाइरसको संक्रमणबाट जोगिनका लागि मानिसहरु आफ्नो घरमै सीमित हुन थालेका छन् । जसका कारण विश्वका लाखौँ मानिस आफ्नो परिवारको निकट रहन पाएका छन् ।

इटालीमा पूर्ण रुपमा सहर बन्द भएका छन् । यस्तो अवस्थामा त्यहाँका बासिन्दा आफ्नो घरको कौसीमा आएर एक अर्काको हौसला बढाउन थालेका छन् । एउटा घरको कौसीबाट अर्को घरको कौसीमा सम्पर्क बढ्न थालेको छ । टोलका सबैजसो घरका कौसीमा बसेर स्थानीयबासी गीत गाउने तथा प्रार्थना गर्दछन्, जसले एक अर्काको हौसला बढाइरहेको हुन्छ ।

धेरैजसो मानिस यतिबेला आफ्ना मित्रहरु, परिवार र आफन्तलाई फोन तथा भिडियो कलमार्फत कुरा गरिरहेका पाइन्छन् । यतिमात्र होइन, मानिसहरु मोबाइल एप्सका माध्यमले भर्चुअल पार्टी पनि गरिरहेका हुन्छन् ।
यो भाइरसको प्रकोपले स्वास्थ्यकर्मीहरु तथा तमाम अत्यावश्यक सेवामा काम गर्नेहरुको महत्वलाई पनि दर्शाएको छ । युरोपमा हजारौँ मानिस आफ्नो घरको कौसी तथा छतमा बसेर चिकित्सक तथा स्वास्थ्यकर्मीको हौसला बढाइरहेका छन् ।

लन्डनका धेरैजसो मेडिकल स्टुडेन्टहरु स्वास्थ्य सेवामा योगदान गर्नका लागि स्वयंसेवकका रुपमा खटिएका छन् ।