सरु दाहाल अधिकारी 

मलाई पनि राराकी परी हुन मन लाग्यो
तिम्रो रुप भिजाउने झरी हुन मन लाग्यो #

अटल ,निर्मल भई बस्ने दह रैछेउ स्वर्गकी
तेस्तै नाम लेख्न सक्ने खरी हुन मन लाग्यो #

चारै तिर जङ्गल रैछ बिचमा तिम्रो घरबारी
तिम्रो बिस्कुन चोरी खाने चरी हुन मन लाग्यो #

बादलुको घुम्टोले लुकाइ राख्छ कहिलेत
बेजोढले हटाउने हावा सरी हुन मन लाग्यो #

जताततै हरियाली डाढाकाढा बन्य जन्तु उत्तिकै
तिर्खा मेट्ने पानी बनी भाडा भरी हुन मन लाग्यो #