मेरो मनोदशा

  ध्रुब श्रेष्ठ

कोरोना  भाईरसको  त्रासले

संसार संत्रस्त छ

म पनि थोरै डराएको  छु

थोरै हताशियेको छु

तर पुरै निराश भएको छैन

मानव शक्तिमा विश्वाश छ

चिकित्सा बिज्ञानमा भरोसा छ

एउटा मनले भन्छ

“ कैयौं बिसमतालाइ पार गरेको

मानव जातिले यो रोगलाई

पनि पार लाउने छ .”

मनको अर्को कुनो आशंकित् छ –

“ पार लाउन सकेन भने ?”

प्रश्न तेर्स्याइ रहन्छ ।

संसारलाई नै

सम्पूर्ण मानव जगतलाई नै

मैले मेरो हरेक बिहान बेलुकाको

प्रार्थनामा राखेको छु

तर

म केही स्वार्थी भएको छु

मैले मेरो बालबच्चा र परिवारलाई

मेरा प्रार्थनाहरुमा बेसी नै

राखेको छु

रोग शोक अनी

नकारात्मक समाचारहरुले

खबर पत्रीका र टिभी च्यानलहरु

ब्याप्त छन

सामाजिक संजालहरु ग्रस्त छन

संसार सन्त्रस्त छ

म पनि थोरै डराएको  छु

थोरै हताशिएको छु

तर पुरै निराश भएको छैन

पुरै  निराश भएको छैन ।

मार्च २५ २०२० एडमन्टन् ,क्यानाडा