संसारलाई रुवाएर तैँले के पाउँछन् ? ” देबकी थापा “

 

 

देबकी थापा
( हाल अमेरिका )

कोरोना :

खानपान, सफासुग्घर पाठ सिकाइस् सबै ,
धनी-गरीब , जात, धर्म नभनेर कतै !

एउटै घरका परिवारलाई टाढा -टाढा पार्छन् ,
आफू चाहिँ संसार हाँकी राज गरी बस्छन् !

न त यस्लाई राहदानी न त भिसा चाइने ,
जता भन्यो उतैतिर हिंड्डुल गर्न पाइने !

मुखमा नि पट्टी लगाइस्, हात पनि बाँधिस्,
सपाङ्गलाई पनि तैंले अपांग झैँ पारिस् !

सि.एन.एन. र निउजले आँखा टट्टाइसके,
मै हुँ भन्ने ठूलाले नि हार मानी सके !

आफू भने चारैतिर रमाउँदै हिंड्छस् !
संसारलाई रुवाएर तैँले के पाउँछन् ?

Facebook Comments