प्रधानमन्त्रीको सबैलाई आग्रह : भोलि विहान ८ बजे राष्ट्रिय गान गाऔं, ताली बजाऔं

 

काठमाडौं । प्रधानमन्त्री केपी शर्मा ओलीले कोरोना भाइरसबाट उत्पन्न लकडाउनको अवस्था अत्यावश्यक सेवामा खटिएकाहरुको सम्मानमा भोलि राष्ट्रिय गान गाउन र ताली बजाउन आह्वान गरेका छन् ।

ग्लोबल कम्प्याक्ट नेपालले भोलि नयाँ वर्षको दिन विहान ८ बजे घरको छत वा झ्यालबाट राष्ट्रिय गान गाउन र एक साथ ताली बजाउन गरेको आह्वानमा सर्मथन जनाउँदै प्रधानमन्त्री ओली ट्वीटरमार्फत उक्त कार्यमा सामेल हुन आग्रह गरेका हुन् ।

उनले आफ्नो ट्वीटर ह्यान्डलमा लेखेका छन्, ‘राष्ट्रिय गान गाऔ, राष्ट्रिय धुन बजाऔ ! ग्लोबल कम्प्याक्ट नेपालको तलको अनुरोध मलाई राम्रो लाग्यो। यस कार्यक्रममा सामेल हुन सबैलाई आग्रह गर्दछु ।’