यूकेमा मृत्यु हुनेको सङ्ख्या १० हजार नाघ्यो, ‘खोप सेप्टेम्बर सम्ममा’

 

 

यूकेमा कोरोनाभाइरस सङ्क्रमणका कारण मृत्यु हुनेको सङ्ख्या आइतवार १०,००० नाघेपछि सरकारको चर्को आलोचना शुरू भएको छ।

त्यहाँका एक प्रसिद्ध वैज्ञानिक सर जेरेमी फार्रारले युरोपकै सबैभन्दा प्रभावित मुलुक यूके बन्न सक्ने चेतावनी दिएका छन्।

रोयल कलेज अफ सर्जन्सका उपाध्यक्ष सु हिलले भने यूकेमा ३०,००० जनासम्मको कोरोनाभाइरसका कारण मृत्यु हुनसक्ने बताएकी छन्।

यसैबीच अक्सफोर्ड विश्वविद्यालयका एक प्राध्यापकले सेम्टेम्बरसम्ममा सबैका लागि कोरोनाभाइरसको खोप उपलब्ध हुनसक्ने दाबी गरेका छन्।

Facebook Comments