एन आर एन ए युकेमा आइसीसी सदस्य निर्बिरोध

त्रिलोचन गौतम
रेडिंग,२२ जुलाई २०२१

गैर आवासीय नेपाली संघ युकेको नवौं कार्य समितिको लागि आगामी ३१ जुलाईमा सम्पन्न हुन गैरहेको निर्वाचनको लागि यहि १९ जुलाईका दिन उमेदवारहरुको मनोनयन गरिएको छ । यस निर्वाचनमा रास्ट्रिय समिति र राज्य परिषद तहका विभिन्न ३४ पदमा कुल ६२ जनाको उम्मेद्वारी रहेको छ । चाखलाग्दो के भएको छ भने यूकेबाट आइसीसी सदस्यमा ७ जनाको पदकालागि पर्न गएको ९ जना प्रतिद्वन्दीको निवेदनमा सम्बन्धित व्यक्ति र पक्षको सहभागिता र समन्वयमा हिजो २१ जुलाईका दिन सर्वसम्मत कायम गरिएको छ । यसरि चयन भएका सदस्यहरुमा दिनेश घिमिरे, महेश अधिकारी, कोशलेश्वोर ढकाल, राजेन्द्र पुडासैनी, एल एन पाण्डे, भिमलाल भट्टराई र समिर खनाल रहेका छन । यसकालागि आफ्नो उम्मेदवारी फिर्ता लिई सहयोग गर्ने २ जनामा अर्क राज तिम्सिना तथा केदार थपलिया रहेका छन। निर्वाचित सदस्यहरुलाई हाम्रो पनि बधाई !