अठार बर्षिया एमा राडुकानुको हातमा ३० करोड: हामीले के सिक्ने?

अठार बर्षिया एमा राडुकानुको हातमा ३० करोड: हामीले के सिक्ने?

त्रिलोचन गौतम

संसारी चलन बिचित्र भने जस्तो धेरै फरक भूगोल र परिवेशमा रोमानियन बाबु र चाइनिज आमाबाट क्यानडामा यति प्रतिभाशाली एमा राडुकानु (Emma Raducanu) को जन्म हुन गयो ।  सुन्दै आश्चर्य लाग्ने र रमाईलो कुरा, कसलाई थाहा थियो १८ बर्षको कलिलो उमेरमा एमाले ३० करोड रुपियाँ (१८ लाख पाउण्ड)  को एकमुस्ट पुरस्कार पाउनेछिन । यो कल्पना नभएर एक वास्तविकता भएको छ । त्यसमा पनि, यो त उनको पुरस्कारको एकमुस्ट रकम हो, यस बाहेक उनका अरु आयहरु अकल्पनीय हुन्छन नै । उनी नि:शन्देह सुपरस्टार हुनापुगेकी छन भने ब्रिटेनकी महारानीले गरेको प्रसंसा संगै एम बी इ (MBE) जस्तो सम्मानजनक मानपदवी पाउने बलियो सम्भावना रहेको बताईन्छ ।

यहि सेप्टेम्बर १३ मा युएस ओपन च्याम्पिअन (टेनिस) मा दुवै एकल पुरुष वा महिला मध्येबाट उनी ब्रिटिश नम्बर एक हुन पुगिन । एकल तर्फ वोर्ल्ड नं २३ तथा ब्रिटिश नं एक हुन पुगेकी एमा सन् २००२ मा रोमानियन बुबा र चाईनिज आमाबाट क्यानडामा जन्मिएपछी २ बर्षको उमेरमा ब्रिटेन बसाई सरेकी हुन् । आज एमाले ब्रिटिश नागरिक भएको नाताले यस देशलाई खेलको माध्यमबाट गौरवान्वित मात्र बनाइनन् उनले पुरै विश्वलाई चकित बनाएकी छन्  । जीवनमा पहिलो पटक पांच बर्षको उमेरमा एमाले युकेको ब्रोम्ली टेनिस सेन्टरमा टेनिसको राकेट उचालेर यो खेलमा प्रवेश गरेकी थिईन ।उदेश्य के लिनु, उडी छुनु चन्द्र एकभने जस्तो यो कलिलो उमेरमा यत्रो ठूलो साहस, हिम्मत, लगनशीलता अनि संकल्प! खेलकुदमा मात्र नभई हरेक क्षेत्रमा मान्छेले यस्ता उदेश्य राख्नु पर्छ । यो हालको ज्यादै ठूलो पुरास्कारको रासी मात्र ठूलो कुरा नभएर इज्जत, गौरव र प्रेरणाका रुपमा यसले ज्यादै ठूलो महत्व राख्दछ । अठार बर्षकै उमेरमा लाखौ लाख दर्शक माँझ प्रसंशा र तालि पाउँदा उनले कस्तो उत्साह अनि रमाईलो महसुश गरिन होला हामि सहजै कल्पना गर्न सक्छौं । 

चाख लाग्दो कुरा के छ भने, एमा केहि समय अघिसम्म मात्र पनि यो जित हात पर्ने कुरामा त्यति आशावादी थीइनन् । किनकि उनी अमेरिकाबाट त्यस खेलको कुनै शृंखला पछी घर फर्कन टिकट लिएकी थिइन् । तर आफू अर्को शृंखलामा एक कदम फेरी विजयी भएकोमा सो टिकट रद्द गरी पून: खेलमा सहभागी भएपछी आफ्नी प्रतिद्वन्दी लैला फर्नान्डिजलाई हराउदै फाईनलमा विजयी हुन पुगिन । 

तत्काल वर्ल्ड नं ३३८ रहेकी एमाले यसै बर्षको विम्बल्डन च्याम्पिअनस्मा वाईल्डकार्ड मार्फत इन्ट्री पाएपछि चौथो राउण्ड सम्म पुगेकी थिईन । त्यसको २ महिना पछि २०२१ को युएस च्याम्पिअन्स्को क्वालिफाइङ प्रतिस्पर्धीमा प्रवेश पाएपछि मुख्य ड्रोमा पुग्दै उनी ग्राण्डस्लाम एकल फाईनल पुग्ने पहिलो क्वालिफायर हुन पुगेकी थिइन । फाइनलमा सम्पूर्ण सेटमा विजय हासिल गर्दै उनीब्रिटिश नं वानहुन पुगेकी हुन् । यो कलिलो उमेरमा नै एमाले भर्जिनिया वादेको सन् १९७७ को विम्बल्डन च्याम्पिअन तथा वादेकै सन् १९६८ को युएस ओपनको रेकर्ड तोड्न सफल भएकी छन् । आज विश्व समुदाय, बिशेष गरि ब्रिटेनबासीले एमालाई चौतर्फी सम्मान र प्रसंसा गरेको देख्दा हामी सबै दंग पर्नु स्वाभाविकै हो ।

ब्रिटेनको नाम चम्काउँदै उनीजस्ता लाखौ युवा युवतीहरुकालागि एमा प्रेरणाको एक महान श्रोत बन्न सकेकी छिन । उनको आगामी यात्रा अझ चमत्कारी हुन सक्ने छ । आज हाम्रा समाजका हरेक बाबुआमाले आफ्ना छोराछोरीहरु यस्ता साहस र संकल्पका उदाहरणबाट उत्प्रेरित हुन सकुन भन्ने चाहना राख्छौं भने उनीहरुले पनि एमाको जस्तो साहस, लगानाशिलाता र संकल्प गरेमा अवश्य पनि कुनै न कुनै क्षेत्रमा यस्तै सफलता हात पार्न सक्नेछन ।

तपाइको प्रतिक्रिया (Facebook )

यो खबर पढेर तपाईंलाई कस्तो लग्यो ?