एनबिसी यूकेद्वारा वृद्धवृद्धाहरुलाई सूचना र जानकारी सहजताका लागि ट्याबलेट वितरण

नेप्लिज ब्रिटिश कम्युनिटी यूकेले सूचना तथा जानकारी मार्फत समुदायलाई सहयोग गर्न  वृद्ध आमाबाबाहरुलाई  ट्याब्लेट वितरण गरेको छ ।

संस्थाको पहलमा फन्डिङ जुटाएर उपयोगी एपहरु र सफ्टवेर सहित  ३५  ओटा ट्याब्लेट बृद्धवृद्धाहरुलाई वितरण गरिएको संस्थाका संयोजक राज ओझाले बताए ।

संस्थाका पदाधिकारीहरु सचिव  रबिन्द्र अधिकारी, कमल पौडेल,  समीर प्याकुरेल, कुल सिग्देल, चुरामणी रेग्मी, बसन्त नेपाल लगायतको उपस्थितिमा ३५ जना आमाबुवाहरुलाई  ट्याब्लेट वितरण गरीएको सचिव रबिन्द्र अधिकारीले जानकारी दिए ।

साउथ ह्यारो स्थिति गोल्डेनसिप रेस्टुरेन्टमा आयोजित कार्यक्रममा ट्याब्लेटहरु वितरण गरिएको थियो  ।

बाँकी ३५ ट्याब्लेट अर्को कार्यक्रम आयोजना गरि नोभेम्बर महिनामा वितरण गरिने अधिकारीले जानकारी दिए ।

जनचेतनामूलक  शिक्षा तथा जानकारीमुलक कार्यक्रम संचालन गरेर प्रौढहरुलाई बेलायतको बसोबास सहज बनाउने हेतुले एनबिसी युकेले कार्यक्रम आयोजना गरेको छ । उक्त कार्यक्रमको संयोजन संस्थाका पुर्व अध्यक्ष कमल खनालले  गरेका छन् ।

एनबिसी युकेले नेपालमा प्रकोप तथा असहज परिस्थितिमा पनि सहायता गर्दै आएको छ । कोरोना भाइरसको प्रकोपले असहज  परिस्थितिमा संस्थाले  औषधि , अक्सिजन तथा खाद्यान्न सहयोग गरेको थियो।  त्यस्तै संस्थाले नियमितरुपमा योग तथा फिटनेस कक्षाहरु, भाषा संस्कृति प्रबर्धन, ब्रिटिश नेपाली  नयां पुस्तालाई प्रोत्साहन जस्ता गतिविधि संचालन गर्दै आएको छ ।